Tarixi məlumatlar göstərir ki, tualetdən ilk istifadə edən millətlərdən biri bizlərik. Avropalıların bu mədəniyyəti bizlərdən öyrəndikləri məlumatı doğrudur. Tarixi mənbələrə görə, ilk modern tualet 1596-cı ildə hazırlanıb. İngiltərədə John Harington tərəfindən hazırlanan tualet, ilk dövrlərdə insanlar tərəfindən normal qarşılanmamışdı. Elə buna görə də xalq Haringtonu lağa qoymuş və tualetlərin hazırlanması məsələsi təxirə salınmışdı. Hal-hazırda dünya əhalisinin sadəcə 40 faizi təmiz və normal vəziyyətdə olan tualetlərdən istifadə edir. 1 milyard insan isə kanalizasiya sistemindən yararlanır. Dünyada müxtəlif forma və qiymətə malik tualetlər var. Hətta qızılla örtülmüş tualetlərə də rast gəlmək olar. Bizimyol.info sizlərə rəsmi məlumatlar əsasında sıralanmış dünyanın ən bahalı 5 tualetini təqdim edir: Qeyd edək ki, dünyada müxtəlif qiymətlərə tualetlər tikilib istifadəyə verilsə də ölkəmizdə istifadəyə verilən bir tualet də geniş müzakirəyə səbəb olmuşdu. Tualetin açılışında Beyləqan Rayon İcra Hakimiyyətinin başçısı Vaqif Abdullayev və Yaponiyanın ölkəmizdəki səfiri Tsuquo Takahaşi də iştirak etmişdi. 2016-cı ilin aprel ayında Beyləqan rayonunda məktəblilərin istifadəsinə verilmiş tualet 90 min 300 dollara tikilmişdi. Lakin bu tualet sıralamada yer almayıb. 1. Beynəlxalq Kosmik Stansiyanın tualeti Bu tualetin dəyəri 19 milyon dollardır. Ruslar tərəfindən hazırlanmış bu tualet 2008-ci ildə Kosmik Stansiyaya təhvil verilib. 2. Hang Fung qızıl tualeti Hong Kongdakı bu tualetin qiyməti 5 milyon dollardır. Tualetdəki bəzi hissələrdə qızıldan istifadə edilib. 3. Moon River Art Park tualeti Şanxaydakı "Moon River" incəsənət parkındakı süni bir mağarada yerləşən bu tualetin hazırlanması üçün təxminən 750 min dollar lazım olub. Tualet 2005-ci ildə fəaliyyətə başlayıb. İddialara görə bəzən insanlar bu tualetdən istifadə etmək üçün hətta 2 saata yaxın gözləyiblər. 4. Herbeau 8-ci əsrdə Fransada hazırlanmış bu tualetdən kral Dagobert istifadə edib. Məlumata görə tualet, indiki pulla 14.125 dollara hazırlanıb. 5. Toto Neorest 600 Qapağı avtomatik olaraq açılan bu tualetin hazırlanmasına 5 min dollar xərclənib. Tualetdən istifadə bitdikdən 6 saniyə sonra qapaq avtomatik olaraq bağlanır.
↧