Qeyri-ixtiyari etdiyimiz bu hərəkətin bir səbəbi var. Həm də çox funksional. Yeriyərkən qollarımızı yelləməyimiz çox məntiqli görünmür. Ayaqlarımızı hərəkət etdirmək üçün qollarımızı da hərəkət etdirməyə gərək görmədiyimiz halda bunu nə üçün edirik? Bu vəziyyət, elm adamlarını uzun müddətdir ki, narahat edən bir sualdır. Bu səbəblə tədqiqatçılar 2009-ci ildə yerimə zamanı qollarımızı niyə sağa sola hərəkət etdirdiyimizin cavabını tapmağa çalışdılar. Mir.Az xəbər verir ki, Michigan Universitetindən elm adamları müxtəlif şəkillərdə yeriyən (qollarını yelləyərək, qolları yanında və buna bənzər) 10 nəfərin enerji istehlakını müqayisə etdi. Mexaniki qollar üzərində oxşar tədqiqatlar aparan aparan elm insanları qolları yelləməyin əslində bir məqsədi olduğunu kəşf etdi: Qolları yelləyərək yerimək, sərf olunan ümumi enerji miqdarını aşağı salır. Araşdırma, qollarını hərəkət etdirmədən yeriyən insanların təbii bir şəkildə silkələyərək yeriyənlərə görə metabolik enerjilərini 12% daha çox istifadə etdiklərini ortaya çıxardı. Biotibbi sahədə tədqiqat aparan Sjoerd Bruijn, normal bir şəkildə qolları yelləyə-yelləyə gəzməyin ən səmərəli yerimə üsulu olduğunu deyir. Normal bir qol yelləməyi tədqiqatçılar sağ ayaqla basarkən sol qolun irəliyə doğru çıxması və tam əksində də eyni şəkildə olduğunu qeyd edirlər. Ayağınızla qollarınızı eyni anda hərəkət etdirməyiniz, yəni sol əlinizlə sol ayağınızı eyni anda irəliyə doğru atmağınız normal yerişə görə 26 faiz daha çox enerji istifadəsinə səbəb olduğu üçün belə bir yeriyiş orqanizminiz üçün çox yorucu bir işdir.
↧