Braziliyalı idmançı Pedro Oliva ölkənin ən təhlükəli şəlaləsi hesab olunan Juruenada göstərdiyi şou ilə diqqətləri üzərinə çəkib. O, qayıqla hündürlüyü 30 metrə yaxın olan Juruena şəlaləsini fəth edib. Sürətlə axan şəlalədən aşağı tullanan idmançı heç bir xəsarət almayıb. İdmançı şəlaləni fəth etmək üçün ciddi hazırlıq görüb. Bütün təhlükəsizlik qaydalarına riayət edən idmançının şousunu uğurla başa vurması ətrafdakıları da sevindirib. Tullanışdan sonra bir neçə saniyə suda qalan Pedro, öz səyi ilə sahilə çıxıb. Qeyd edək ki, Pedro 5 il əvvəl də oxşar şouya imza atmaq istəyib. Lakin həmin vaxt idmançının tullanışı uğursuz alınıb və o, dostlarının sayəsində ölümdən dönüb. Suya tullanarkən xəsarətlər alan şəxs, digər idmançıların köməyi ilə sudan çıxarılıb.
↧