Parazit Köpəkbalıqları dünya sularının ən təhlükəli canlılarından hesab olunur. Bu balıqlar əsasən okenların ilıq sularında və adalara yaxın olan ərazilərdə məskunlaşırlar. Latınca adı "İsistius Brasiliensis" olan bu canlıların adı "İstius" Qədim Misirdəki işıq tanrısından "Brasiliensis" isə əsasən daha çox məskunlaşdığı Brazilya sahillərindən gəlir. Ləqəbi "Cookicutter"dir (Kökəkəsən). Bunun səbəbi isə qurbanlarının bədənlərində "kökə" formalı yumru deşiklər açmasıdır. Dərisinin altında yer alan işıqverici orqanlar və fosforlu dərisi sayəsində par-par parıldayırlar. Bu heyvanlar qaranlıqda işıqları görünməsin deyə qurbanlarına altdan yaxınlaşırlar. Bəslənmə şəkilləri isə bu heyvanları olduqca maraqlı edir. Qurbanlarını dişlədikdən sonra özlərini fırladaraq canlıların bədənində deşiklər açırlar. Dişləkləri ölümcül deyil lakin, ömür boyu qalacaq izlər buraxırlar. Bədəninə diqqətlə baxdıqda görmək mümkündür ki, Parazit Köpəkbalıqları digər köpəkbalıqlarının hamısından daha çox dişə sahibdir. Bu dişlər sayəsində onlar özlərində dəfələrlə böyük olan balinalar, delfinlər, bəyaz köpəkbalıqları və digər özündən çox böyük canlıları yem kimi istifadə edə bilir. Dişləri koraldığında, qırıldığında və s. bu dişləri kalsium mənbəyi kimi yeyirlər. Alt çənələrində 25-31 arasında üçbucaq formalı dişlər, üst çənələrində isə 30-37 arasında incə, kəskin, kəsici dişlər mövcuddur. Bu balıqların öz nəsillərindəki balıqlarla müqayisədə olduqca yağlı qara ciyərləri var və bu səbəbdən də onlar okeanın çox dərin hissələrinə rahatca gedə bilirlər. Bu dostlarımız əsasən özlərindən kiçik balıqlara tamah salmırlar. Onların hədəfləri əsasən digər köpəkbalıqları, balinalar, delfinlər və s. olur. Balıqçılar tərəfindən çox nadir də olsa gecələri ovlanırlar. Nəsilləri kəsilmək təhlükəsində deyil lakin, balıqçıların ovlamağa çalışdıqları balıqları dişlədikləri və ya yedikləri üçün balıqçılara maddi problemlər də yarada bilirlər. Və bu da xoşbəxt son...
↧