“Halloween” bayramı (Müqəddəslərin axşamı) artıq yaxınlaşır. Dünyanın bir çox yerində bu bayram üçün hazırlıqlar başlayıb. Bloggerlər (çəkdiyi videoları müxtəlif internet portallarına yerləşdirir) bu bayram üçün artıq öz təkliflərini hazırlayıblar. Sosial şəbəkələrdə makiyaj üzrə kifayət qədər məşhur olan blogger Pomis Fan İfritələr bayramı üçün izləyicilərə qeyri-adi makiyaj təklif edib. O, yanaqlarında iki göz, çənəsində isə dodaq şəkli çəkib. Həmin makiyajın videosu internetə yükləyən blogger hesab edir ki, bu makiyajla bayramda hər kəsin diqqəti sizin üzünüzdə olacaq. Xatırladaq ki, ifritələr bayramı bu il ilk dəfə Böyük Britaniya və Şimali İrlandiya ərazisində də qeyd edilir. Hər il oktyabrın 31-də keçirilən bu bayram ənənəsi 20-ci əsrin əvvəllərindən başlayaraq Amerikadan başqa, Avropa və MDB məkanına da yayılıb. “Helloween” sözü “müqəddəslərin axşamı” mənasını verir. Elə oktyabrın 31-də keçirilməsinin də səbəbi həmin günün xristianlıqda müqəddəslərin günü hesab edilməsidir. Bu bayramda insanlar ziyafətlər təşkil edir, müxtəlif qorxu filmi qəhrəmanlarının paltarlarını geyinir. Bir sözlə, ölüm, okkultizm, şər, monsterlər günün əsas mövzusu olur. Əsasən, qara və narıncı rəngə üstünlük verilir. Mir.Az
↧
