Texnoloji nailiyyətlərin zirvəsi olan mobil telefonlar həyatımızın ayrılmaz hissəsinə çevrilib. Gün-gündən yenilənən funksiyaları ilə istifadəçilərin diqqətini cəlb edən telefonların ən narahatedici cəhəti enerjini az saxlamasıdır. Texniki xüsusiyyətləri çox yaxşı olsa da, bir çox telefonun enerjisi günün sonuna qədər belə kifayət etmir. Buna görə də, mobil telefon alarkən funksiyaları ilə birlikdə onun enerji saxlama müddəti də nəzərə alınmalıdır. “Webtekno” saytı 2015-ci ilin ən yaxşı enerji saxlayan 5 mobil telefonunun siyahısını hazırlayıb. “Samsung Galaxy Note 5” “Galaxy Note 5” enerji saxlama baxımından “S6” modeli ilə müqayisədə daha yaxşı performans göstərib. Belə ki, “Galaxy Note 5”-in enerji saxlama müddəti 9 saaat 11 dəqiqə olaraq hesablanıb. “Sony Xperia Z5 Compact” Bu model “Xperia Z3”-dən sonra ən yaxşı enerji saxlama bacarığı ilə diqqət çəkir. “Snadpragon 810” əməliyyat sistemi ilə işləyən “Xperiya Z5” modeli 2.7000 mAh enejiyə sahibdir. Enerji saxlama müddəti isə 9 saat 27 dəqiqədir. “Samsung Galaxy S6 Edge+” “Galaxy Note 5” kimi böyük ekrana sahib olan bu model şirkətin ən çox reklam etdiyi telefonlarından biridir. 9 saat 29 dəqiqə enerji saxlayan telefon bu xüsusiyyəti ilə digərlərindən bir addım öndədir. Buna səbəb, həm “Spen” kimi bir detalının olmaması, həm də ekranın sönülü rejimdə belə yan ekran vasitəsilə məlumatları göstərməsidir. İstifadəçinin hər dəfə ekranı açmadan lazımi məlumatları bu yolla öyrənməsi, əlavə enerji sərfiyyatının qarşısını alır. “Meizu M2 Note” 3.100mAh enerjisi ilə 9 saat 52 dəqiqə ərzində istifadəçinin köməyinə çatır. “M2 Note” modeli bu səviyyədə enerji performansı ilə üstünlük verilən modellər sırasındadır. “Meizu Pro 5” 3.050mAh enerjisi və 2K əvəzinə tam yüksək keyfiyyətli ekrana sahib olan “Pro5” modeli enerji saxlama müddəti ilə bütün telefonları geridə qoyur. Belə ki, bu modelin enerji saxlama müddəti 9 saat 54 dəqiqədir. “Zaman Azərbaycan” Mir.Az
↧