LSD adlı bir birləşmə var, Lysergic acid diethlamide, halusinogendir. Albert Hofman tərəfindən təsadüfən kəşf olunub (məqsədi qan dövranı və tənəffüs sisteminə stimuləedici maddə-analeptik almaq idi). Özü bu maddəni 2 dəfə müxtəlif dozalarda qəbul edib. Sonradan o, bu maddə haqqında "My problem child" kitabında yazıb: "Uzanmışdım, əşyaların forma və ölçüləri deformasiyaya uğramışdı, qeyri-adi görünürdü, rənglər durmadan dəyişirdi, yaşıl və göy rəng üstünlük təşkil edirdi, qəribə səslər eşidirdim, hər şeyin sallandığını hiss edirdim". "Zaman və məkan deformasiyaya uğramışdı, evə velosipedlə gedirdim həmişəkindən bərk sürsəm də, yol bitmək bilmirdi, bəzən elə gəlirdi ki, boğuluram, bəzən də heç bir səbəb olmadan qəşş edib gülürdüm". LSD əsasən oral yolla qəbul olunur, şəxsin psixikasından asılı olaraq müxtəlif effektlər verə bilər. Məsələn xoşbəxt birisi qəbul edərsə özünü "cənnət"də görə bilər, xoşbəxt olmayan isə əsasən pis xəyallar görər. Quşlarla birlikdə havada uçmaq, kosmosa getmək kimi hissləri gerçəkmiş kimi yaşada bilər. Keçmişdə həyatında özəl yeri olan bir insanı təkrar görə bilər, onunla ünsiyyət qura bilər. Yaşamış hadisələri təkrar yaşaya bilər, əşyalarla dialoq qura bilər, hər şey həmin şəxsin xəyal qurmasından asılıdır. Ölüm halı qeydə alınmasa da, beyinə və xromosoma zədələyici təsiri olduğu məlumdur. Əsas riskləri psixolojidir, "bad trip"-pis səyahət ən çox rast gəlinən əlamətdir, daha çox ilk istifadədə və doza düzgün olmayanda rast gəlinir. Şəxsin uçacağına inanıb binadan tullanması, kor olanadək günəşə baxması, gözlərini çıxartması, hətta cinayət törətməsi də mümkündür. Narkomanlar arasında geniş yayılıb, klinik istifadəsi və laborator sınaqları qadağan edilmişdir. Mir.Az
↧