Daşqının ortasında qalan maşın bir neçə saniyəyə görünməz olub Pakistanda müşahidə edilən leysan sel və daşqınlara səbəb olub. İstiPress-in NTV-yə istinadla verdiyi məlumata görə, güclü yağışlar dağıdıcı fəsadlara, insan itkisinə də yol açıb. İnternetdə Pakistan əyalətlərinin birində pis hava şəraitinin səbəb olduğu dəhşətli görüntülər yayılıb. Kadrlarda görünür ki, Çəmən şəhərində içərisində insanlar olan "Cip" maşını yağış suları və palçığın yaratdığı daşqının mərkəzində qalıb. Maşındakılar qapını açaraq özlərini xilas etməyə cəhd edirlər. Lakin sel suları sürətli olduğu üçün onlar avtomobili tərk edə bilmirlər. Maşın güclü axına tab gətirə bilmir və bir neçə saniyə ərzində sel sularında görünməz olur. Qeyd edək ki, iki nəfər maşından sağ çıxmağı bacarıb. Lakin 1 nəfər dünyasını dəyişib.
↧