Bəzi xanımlar fikirləşir ki, gözəl görünmək üçün kifayət qədər vəsait lazımdır. Amma, bu, heç də belə deyil. Sizə gözəl və baxımlı görünmək üçün bir neçə üsulu təqdim edir: 1. Dırnaq boyalarınız çox tez quruyur və istifadə edilməsi mümkünsüz hala gəlirsə, ona bir az aseton əlavə edib dırnaqlarınıza əvvəlki kimi çəkin. 2. Həm göz, həm də qaş qələmi alaraq bədxərclik etməyə gərək yoxdur. Göz üçün qələmi qaşın rəngi ilə uyğunlaşdırın, hər ikisində istifadə edin. 3. Baş bəlası sızanaq və qara nöqtələri yox etmək üçün bahalı kremlərə və müalicələrə ehtiyacınız olduğunu düşnürsünüzsə, yanılırsınız. Çünki bəzən bahalı dərmanların faydası olmur. Sağlam qidalanın və bitkilərlə təbii şəkildə maska hazırlayıb dərinizə çəkin. Yaxud da bahalı kremlərin tərkibində olan maddələri ayrılıqda ala bilərsiniz. Bu daha ucuz başa gələr. 4. Köhnə dodaq boyalarını qətiyyən atmayın. Çünki onları yeni birini əldə etmək üçün saxlamaq lazımdır. Qabda qalan dodaq boyasını fırça ilə təmizləyib vazelinlə qarışdırın. Parlaq bir dodaq boyası əldə etmiş ola bilərsiniz. 5. Sevərək çəkdiyiniz ənliyiniz bitib? Pulunuz yoxdursa, bir müddət çəhrayı və ya şaftalı tonlarında dodaq boyasından istifadə edin. Ehtiyacınız olduğu zaman yanaqlarınıza xəfif çəkin və gözəl yayın. İnanın ki, bunu heç kim bilməyəcək. 6. Dırnaq və dodaq boyalarınız tez xarab olursa, ananızdan sizin üçün soyuducuda bir yer ayırmasını xahiş edin. Onları bir müddət orada saxlayın. 7. Manikür və pedikürünüzü gözəllik salonunda etməkdənsə, evdə özünüz cəhd edin. İlk mərhələdə çətin olsa da, sonra zövq alacaqsınız.
↧