Primorsk vilayətinin Şkotovsk rayonundakı “Safari” parkında Amur pələngi üçün yeməyə göndərilmiş keçi sağ qalıb. Buna səbəb isə iki heyvan arasında yaranan dostluq olub. Parkın işçiləri keçiyə yırtıcı qarşısında qorxmadığı üçün Timur adı veriblər. Parkın saytında verilən xəbərə görə “Safari”nin pələngləri həftədə iki dəfə canlı ovla qidalanırlar. Amur pələngi keçi və dovşan ovlaya bilir. Amma bu dəfəki ovunu isə o, yemək istəməyib çünki keçi çox cəsarətli olub. Hətta keçi pələngin qaldığı yeri zəbt edib və dörd gün onun yerində yatıb. Buna görə pələng öz “ev”ini keçinin ixtiyarına verərək damda yatmalı olub. Mir.Az
↧